صيد الأسهم

و أنا راكب التاكسى فى يوم مع صاحبى , كان عمال يسألنى عن البورصة و اللى بيجرى فيها , على أساس إنى حاطط فيهم قرشين على قد الواحد يعنى .
المهم هو كان خايف على أساس المصايب الى شايفها بتجرى للناس من حوالينا , و اللى خسرلوا كام ألف ولا كام مليون و انتحر بعديهم , قعد يسأل عن السبب فى كل ده و ليه ده بيحصل , كنا وصلنا لطريق الكورنيش ساعتها و كان فى راجل عجوز قاعد يصطاد عدينا عليه بالتاكسى .
ملاقيتش حاجة اكتر من الراجل ده اشرحله بيها اللى بيجرى فى البورصة , قلتله بص معايا , انت بتحب تصطاد , بص باستغراب شوية كدة و قالى ايه علاقة ده بده , قلتله جاوب بس بتحب ولا لا , قالى بحب يا خويا بس متغيرش الموضوع ।
اللى بيحصل بقى ان البورصة زى الصيد بالظبط , لازم قبلها شوية تعليم و تعرف تصطاد ازاى , بس كله بيكون انت و رزقك ممكن يوم سمكة كبيرة و ممكن متطلعش سمك خالص .
بس اكيد ربنا هيعوضك تانى يوم , المهم انك تصبر و تتقل على رزقك , انما اللى بيحصل عندنا ان كله بيستعجل و بيبص على غيره ده كسب الفين فى يوم و احد يبقى انا مش اقل منه فى حاجة كله بيستعجل على رزقه لحد ما السمك يطير منه .
لو كنا بنصبر و بنرضى بنصيبنا محدش كان هيشتكى من حاجة .