فى ايام العصر البائد , و طبعا مش بتكلم زمان قوى قبل الهجرة ...
أنا قصدى ايام حكم جورج دبليو ســ ... قصدى بوش
طبعا كلنا كنا فاكرين العالم كان بيموت فى أمريكا اد ايه
مرة بتفرج على التى فى و لقيتلك مظاهرة فى بلد اوروبى مش فاكرة
بس كانوا بيتظاهروا عشان إحتلال العراق
و بيقولوا ان احتلالها لمجرد البترول مش لتحرير شعبها زى ما بيقولوا
و ان بوش ده مجرد راعى بقر بيموت فى الدماء
أحب أقول ان كل ده فهمته من مشهد واحد بس
واحد لابس لبس كاو بوى و حاطط وش لبوش
و معلق ورا ضهره نموذج لتانك بنزين و ماسك ايد الخرطوم اكنها مسدسين
و بيلعب بيهم زى الكاوبويز
يعنى لا شتموا و لا لعنوا سلسفيل الحكومة
ولا اتخانقوا مع الامن المركزى بس مجرد عرضوا وجهة نظرهم بطريقة سهلة و معبرة جدا
الاشتراك في:
تعليقات الرسالة (Atom)
عجبنى جدا البوست دة .. لأنه بيقول حاجة مهمة ..
ردحذفايوة يا اسلام الناس دى متحضرة وبتعرف تعبر عن رأيها
اديك شفت بنفسك اسلوب البعض .. حتى فى التعليقات على البوستات
ساعات يبقوا مستفزين لدرجة تبقى معاها مش فاهم .. وتقعد تقول لنفسك .. هو فى ايه ؟؟؟ همة بيعملوا كدة ليه؟؟
عجبنى كمان ردك على العجيب بسطاويسى لأنه كان رد لبق .. وانا احب هذا النوع من التعليقات
تحياتى لك واستمر .. كتاباتك تستحق القراءة
ميرسى اوى على زيارتك و دعمك المستمر يا آسر
ردحذفو بجد مشكلتنا ان كل واحد مش بيسمع غير نفسه
بالتوفيق بكرة فى القضية